कृषि व पदवीधर संघटना

महाराष्ट्रातील राज्य पातळीवरील कृषि व संलग्न पदवीधरांनी, पदविकाधारकांनी स्थापन केलेली राज्यातील सर्वात पहिली बिगर राजकीय असलेली सामाजिक संस्था आहे.महाराष्ट्र शासन सोसायटी नियम १८६० व चॅरिटेबल ट्रस्ट कायदा १९५० या नुसार संचालक मंडळ व संस्थेतील सदस्य पदाधिकारी कार्यरत आहेत.

विद्यार्थी संघटनांच्या व कृषि उद्योगासमोर असलेल्या तत्कालीन ज्वलंत प्रश्नांच्या माध्यमातून या संस्थेचा जन्म झाला असून,कृषि पदवीधर संघटनेतील देणगीदार सदस्य हे पूर्ण वेळ तसेच स्वयंसेवक पदाधिकारी म्हणून कार्यरत असतात.संघटनेच्या सभासद, शेतकरी, बांधवांसमोर उभे राहणारे शैक्षणिक, सामाजिक, प्रशासकीय, उद्योजकीय प्रश्न सोडवणे शासन दरबारी ते मांडणे कृषि व पूरक क्षेत्रात सामाजिक व बहुउद्देशीय उपक्रम राबवणे व या बरोबरच शेतकरी बांधवाना कृषि व समस्त पदवीधरांच्या माध्यमातून कृषि आणि उद्योगात तांत्रिक मार्गदर्शन करणे, उद्योजकतेचा विकास करणे, तसेच राज्यातील शेतकऱ्यांच्या धोरणात्मक प्रश्नात सहभाग घेणे आणि एकूणच कृषि व बहुउद्देशीय क्षेत्रात नवनवीन व पूरक उपक्रम, विविध प्रशिक्षणे राबवणे सभासदांचा व कृषि क्षेत्राचा विकास साधणे हि विचारधारा संस्थे द्वारे अनेक दशके कार्यरत आहे.

संस्थेचे विविध विभाग हे गेल्या काही वर्षात निर्माण झालेले आहेत. उद्योजकता विकास प्रशिक्षण, आंतरराष्ट्रीय कृषि अभ्यास दौरे, रोजगार मेळावे, कृषि यात्रा व प्रशिक्षणे अशा विषयांना वाहिलेले आहेत. शेतकऱ्यांचे विविध गट, मंडळे गेल्या अनेक वर्षात राज्यभर संस्थेने स्थापन केली आहेत. आंतरराष्ट्रीय कृषि अभ्यास दौऱ्यां करता शेतकऱ्यांचा आणि उद्योजकांचा विश्वास संस्थेने सार्थ केलेला आहे. कृषि पदवीधर संघटना कृषि व संलग्न विषयांतील सर्व पदवीधर,पदविकाधारक, शेतकरी बांधवांकरिता जाती भेद विरहित लिंग व धर्म विरहित संस्था आहे.

हि संघटना राज्यातील कृषि व संलग्न पदवीधरांची सर्वोच्च शिखर संस्था बनलेली असून, महाराष्ट्र राज्यात कृषि, प्रशिक्षण आणि उद्योजकता विकासात देखील हि आता अग्रेसर व पथदर्शी संस्था आहे. काळाच्या ओघात संस्थेच्या विविध विभागांच्या सेवा अल्पावधीत शेतकरी व पदवीधर आणि उद्योग जगतात लोकप्रिय ठरल्या आहेत.